Bradley Barcola Liverpoolga uchmoqda: transfer tafsilotlari
Parijda bir necha haftadan beri cho‘zilgan transfer hikoyasi nihoyasiga yetdi. Endi sahna – Merseyside.
Fransiya nashri L’Équipe xabariga ko‘ra, Paris Saint-Germain hujumchisi Bradley Barcola shanba kuni Angliyaga uchib kelishi kutilmoqda. Taxminan 140 million yevro atrofidagi ulkan kelishuv bo‘yicha Liverpool va PSG o‘rtasida bitim allaqachon erishilgan, endi ish yakuniy bosqichga kirgan.
23 yoshli qanot futbolchisi yaqin soatlarda Liverpulga yetib kelib, tibbiy ko‘rikdan o‘tadi va transferning so‘nggi tafsilotlarini kelishib oladi. Shu jarayon tugashi bilan u yangi shartnomaga imzo chekadi. Bitim uni “The Reds” safida besh yilga, ya’ni 2031-yilgacha bog‘lab qo‘yadi.
Bu transfer – shunchaki bozor harakati emas, bir davr tugashi. 28 o‘yin, 6 gol bilan Fransiya terma jamoasining to‘laqonli a’zolaridan biriga aylangan Barcola Parijni tark etmoqda. U bu klubga uch yil avval Olympique Lyonnaisdan kelgan edi. Endi esa, o‘sha uch yil butunlay boshqa ranglarda eslanadi.
Statistika
Statistika o‘zi uchun gapiradi. Les Rouge et Bleu safida 152 o‘yin. 39 gol. 37 golli uzatma. Va eng muhimi – sovrinlar. Barcola 13 ta kubok qo‘lga kiritishda bevosita ishtirok etdi: ikki marta Champions Leagueda zafar, uch marta Ligue 1 chempionligi va yana bir qator ichki sovrinlar.
PSG uchun bu – tayyor yulduz bilan xayrlashuv. Liverpool uchun esa – hujum chizig‘iga yangi dinamika, yangi ritm, yangi xavf qo‘shish imkoniyati.
Endi savol bitta: Anfielddagi bu jasur sarmoya Premer-liga poygasini qanchalik larzaga keltira oladi?
