Osimhen Arsenalni chempionlikka olib chiqadigan hujumchi
Sobiq yulduz hujumchi Dwight Yorke “Arsenal”ning yozgi transfer bozoridagi eng katta zarbasi qaysi futbolchi bo‘lishi mumkinligi haqida gapirar ekan, bir ismni alohida ajratdi: Victor Osimhen.
Yorkening fikricha, hozir “Galatasaray” safida porlayotgan nigeriyalik forvard Premyer liga himoyachilari uchun aynan kerakli “dahshat to‘plami”ga ega. U baland bo‘y, uzun oyoq-qo‘llar, to‘xtovsiz harakat va biroz g‘alati texnika uyg‘unlashgan, lekin aynan shu “notekislik” uni himoyachilar uchun chindan ham noqulay raqibga aylantiradi.
Yorke Reviant’ga bergan intervyusida shunday deydi: Victor Osimhen’ning “Arsenal”ga kelishi “ulkan voqea” bo‘ladi va londonliklarni chempionlik poygasida aniq favoritga aylantiradi.
U yaqinda Osimhenning o‘yin lavhalarini qayta tomosha qilganini aytadi va bir jihatni darhol payqagan: nigeriyalik hujumchi maydonda tinmay harakatda.
U chiroyli, nafis hujumchi toifasidan emas. Yorke buni yashirmaydi. Ammo aynan shu qo‘pol, biroz eski uslubdagi o‘yin uslubi markaziy himoyachilarni qiynaydi. Ular uchun bunday forvard bilan 90 daqiqa olishish – haqiqiy sinov.
Yorke ta’rifiga ko‘ra, Osimhen baland bo‘yli, ozg‘in, havoda yomon emas, imkoniyat kelishi bilan zarba beradi va eng muhimi – mehnatkash. Markaziy hujumchi uchun bu to‘liq paketga yaqin majmua. Himoyachilar shunday raqibga qarshi o‘ynashni “kutib yashamaydi”.
Yorke bir fikrni alohida urg‘ulaydi: agar bu transfer ro‘yobga chiqsa, “Arsenal” chempionlik poygasida raqiblarini ortda qoldirishi mumkin.
Savol esa endi bitta: London klubi bu darajadagi hujumchini olib kelish uchun yetarlicha dadil bo‘ladimi?
